ДУХОВНОСТА, ХУМАНОСТА И ФИЛАНТРОПИЈАТА НА ПРОФ. Д-Р ВАНЧО ЧИФЛИГАНЕЦ 

Проф. Д-р. Ванчо Чифлиганец

Проф. Д-р. Ванчо Чифлиганец

Нека се шири духовноста, нека излезе чистотата на нашата човечност, скриена под тешкото бреме на лагата, лицемерието, политиканството… Во суровата потрага по животна егзистенција, по пари и превласт, во економската и кризата на вистинските вредности, со што денес се соочува светот и човекот, да си ги измиеме  гревовите, зошто пред сѐ духовното, а не само материјалното, може да го спаси човештвото. Да не направи луѓе, да не очовечи, за да не заборавиме кои сме и што сме. Време е уште еднаш, и сега најмногу, кога повторно по којзнае кој пат се докажуваме кои сме, кога го браниме идентитетот и атрибутите на државата, нацијата и јазикот, цврсто да се потпреме на духовноста и верата, каде што сме најсилни, најбогати, најдокажани, најдревни. Македонија е библиска земја. Била и ќе биде. Тогаш, ние нејзините сегашни жители, потомци на бројните генерации македонци и претци на некои нови поколенија кои ќе продолжат да чекорат на ова парче под сонцето, треба да се разбудиме од сонот и да се запрашаме: Што треба да ни биде прозорец во животот? Материјалното, по кое трчаме секојдневно, или заедништвото, поттикнато од духовната возвишеност, каде универзалните и вистински човечки  вредности се над сè и ни го покажуваат патот кон избавувањето и посветлата иднина“ овој силен внатрешен порив го поттикна проф. д-р Ванчо Чифлиганец градителските дела и успеси во шестата деценија од животот да ги круниса со подигување православен црковен храм и верско спомен обележје, да го почувствува благословот на капењето во охридскиот водосвет на Водици, да изгради дела за заедницата, да ги помага другите и преку филантропијата и ктиторството, да се даде и вгради себеси и корпоративните успеси во создавањето добри дела од корист за општеството.

Како човек и стопанственик, кој минал низ многу искушенија во работата и животот, д-р Чифлиганец осознава дека тајната на животната победа не е секогаш и само во материјалното, туку итоа како во духовноста, бидејќи преку духовното,  нашите дела стануваат вистински, благородни, праведни, човечки. Дури  и тогаш, ако духовното ни е прозорец кон материјалното, или сме ставиле материјално во духовното, само колку да го збогатиме славењето на Бога. Водени од духовноста, а правејќи добри дела за народот и световното добива поубав сјај. Мотото на д-р Ванчо Чифлиганец е дека она што сме го создале во животот треба да го споделиме со другите, да им подариме дел од нас, од нашите плодови и успеси  на оние на кои им е најпотребна помош, внимание, здравје и  љубов.

Така сите ќе се сплотиме, создавајќи не само материјални, туку и духовни дела, како вистинска заедничка вредност и патоказ во животот и ќе докажеме и потврдиме дека Македонија е навистина библиска земја.

Проф. Д-р. Ванчо Чифлиганец

Проф. Д-р. Ванчо Чифлиганец

Не заборавајќи дека и самиот го има почувствувано благодетот на солидарноста и помагањето на општеството да се изгради како образована личност, професионалец и пред сè како човек, д-р Ванчо Чифлиганец со децении наназад, како поединец и преку работната позиција, континуирано ги помага другите и вложува во развојот на пошироката заедница. Оваа традиција прерасна во препознатлив код на етичкото бизнис однесување на д-р Чифлиганец и  градежната компанија Адора инженеринг, со што корпоративната општествена одговорност и филантропијата станаа суштествен препознатлив дел на имиџот на овој бизнсимен и неговата компанија, што остава видливи траги за сегашните и идните генерации.

Мислата-водилка дека еден човек или една компанија никогаш не постојат само за себе и за своето опкружување, ја поттикна идејата на д-р Чифлиганец, во секоја општина каде Адора инженеринг инвестира во изградба на станбено-деловни објекти, да вложува во проекти кои им овозможуваат поквалитетен, поубав и поздрав живот на граѓаните. Така се создадоа двете саат кули кои го мерат времето во Скопски Ѓорче Петров и Струмица, се изгради фонтаната Македонија што го разубави стариот парк во Кисела Вода, Скопје, се помагаат вработените и граѓаните, за поквалитетна работа и посреќен живот, за подобро образование, се чува и оплеменува животната средина како наш единствен дом, се поддржува науката, спортот, културата и уметноста, се вградуваат камчиња во мозаикот за подобро утре, за попросперитетна иднина, наша и на Македонија.

Филантропскиот дух на д-р Ванчо Чифлиганец, стави ктиторски печат на две значајни донации, православниот храм Свети Јован Крстител изграден во општина Аеродром, Скопје и спомен-обележјето Богојавление-Водици, подигнато на брегот на Охридското Езеро во Охрид. Обновен е опожарениот дом на семејството Трајкови во Дедино, Конче, саниран е дотраениот покрив на Посебното основно училиште Д-р Златан Сремац во скопска Кисела Вода, обезбедени се со компјутери, лаптопи, паметни табли и таблети основите и средните училишта во Радовиш и Раклиш, подарени се опрема и апарати на клиниките во Скопје, Струмица и Радовиш, формиран е Кик Бокс клубот Работнички Адора, чии членови и тренери освојуваат високи меѓународни трофеи..

Така, универзалните хумани пораки на потврдениот филантроп проф. д-р Ванчо Чифлиганец се шират низ Македонија и светот, множејќи се како вознес преку убавите чувства, среќни доживувања и спомени на луѓето, плетејќи приказна за еден човек, неговиот живот и работа, како мотив, поттик и движечка енергија за градење нови успешни приказни, вредни за нашето постоење.