Со донација на сто оброци за бездомниците, социјално загрозените лица и граѓаните на кои им е потребна помош, Адора инженеринг се вклучи во хуманитарната акција што секоја сабота на пладне кај спомен куќата на Мајка Тереза во Скопје волонтерски ја организираат граѓанското здружение „Вистински дела на љубезност“, групата „Ретвитни оброк“ и хумани поединци. Компанијата што има долгогодишна традиција на општествена одговорност, со задоволство се вклучи во хуманитарната акција, која од иницијатива наместо да се постираат фотографии со храна на социјалните мрежи, да се подготвуваат и донираат оброци и намирници на граѓаните на кои тоа им е потребно, прерасна во акција со масовен одзив што одбележа една година континуирана реализација. Поаѓајќи од благородноста на солидарноста и грижата за другите, што и тие кои даваат ги прави подобри луѓе, а светот барем малку подобро место за живеење, менаџментот на Адора инженеринг што учествуваше во поделбата на оброците, верува дека со овој скромен пример ќе биде мотив и поттик и за другите компании и граѓани со барем еден отстапен оброк да се вклучат во овие акции. Адора инженеринг и фондацијата проф. д-р Ванчо Чифлиганец и натаму продолжуваат со реализација на општествено одговорни проекти од корист на пошироката заедница и граѓаните, со цел и во иднина да бидат дел од хуманоста како единствена религија што не обединува сите.
