Младите талентирани кик боксери од КБК Адора, минатиот викенд остварија одлични резултати на Serbia Open, WAKO European Cup ranking tournament. Од турнирот во Белград, тие се вратија со освоени 2 златни, 2 сребрени и 1 бронзена медаља.
Филип Ѓоргиевски – 91 лоу кик и Мартина Јовановска – 47 кик , освоија злато, Симона Спасовска – 60 кик лајт и Калин Бабоски – 54 лоу кик, сребро и Дамјан Стојчевски – 60 лоу кик, освои бронза.
Кик бокс клубот Адора е горд на овие значајни успеси, како и Адора Бизнис Групацијата и Фондацијата проф. д-р Ванчо Чифлиганец. Адора е покровител на овој клуб и на Центарот за боречки спортови кој е отворен, опремен и работи во просториите на компанијата во Карпош, Скопје, веќе пет години.
Им честитаме на наградените кик боксери, кои на интернационално ниво постигнаа највисоки пласмани и ù донесоа медаљи на Македонија. Адора и натаму, во рамките на својата општествено одговорна мисија, и покрај кризното и тешко време за работа, продолжува со поддршка на спортот и младите талентирани луѓе во различни области.