Со трка на отворениот македонски шампионат во недела во Гевгелија, нашата Адора Атлета Антонио Дамјановски, најталентираниот, најмлад и најуспешен мото крос возач во Македонија, ја стартува оваа сезона.
Покана до сите љубители на мото крос трките и спортот, да дојдат на 26 март во 11 часот на стазата Милци кај Гевгелија, заедно да го бодриме Антонио во висока конкуренција, со голем број млади учесници од државата и странство, на првиот шампионат во 2023 во мото крос категорија МX2.
Adora Business Group која од минатата година го поддржува Антонио во неговиот пат кон освојување на спортските успеси, и натаму ја продолжува соработката со овој исклучително надежен мото крос возач и оваа година. Очекувањата на Дамјановски се големи не само на државните трки туку и на интернационалната сцена, каде тој се пробива со поддршка на Адора. Носителот на титулата Златна кацига на Македонија, кој зад себе има 30 освоени национални и меѓународни подиуми, го очекуваат пробни тест возења во компанијата GasGas во Италија, за настап со овој познат бренд за производство на крос мотори на следните европски првенства.
Храбрите и успешните одат заедно, па така и ние продолжуваме во рамките на 20 годишната општествено одговорна мисија, со поддршка на младите таленти во спортот, кои се нашата иднина и најдобри амбасадори на Македонија во светот.
