На првиот голем меѓународен клубски турнир во едногодишното постоење на KBK Работнички Адора, злато освоија: Александар Ѓеорѓиевски, син на вработен во Адора инженеринг, Мартин Живковски и Мартин Андоновски. Сребрени медали освоија: Ангела Трајковска, Кристијан Настевски, Дамјан Каскаревски и Никола Николовски. Со бронза се закитија: Леон Митков и Сабри Рушити. Тренерот Димитар Ѓорѓиевски, неколкукратниот светски, европски и државен првак во кик бокс, е горд на постигнатите успеси и благодарен на долгогодишната контиуирана поддршка на Адора инженеринг и Фондацијата проф. д-р Ванчо Чифлиганец, под чие покровителство функционира тренинг центарот во Карпош. Кик бокс клубот Работнички Адора и центарот опремен како еден од најдобрите кик бокс центри на Балканот според современите европски стандарди, се формирани со цел на младите професионалци и аматери и на рекреативците од сите генерации, да им овозможат идеални услови за занивамање со спорт, за освојување на шампионски титули, за афирмација на Македонија и за изградба на здраво општество.
По врвните успеси на турнирот во Ниш, кик боксерите од клубот Работнички Адора интензивно се подготвуваат за учество на интернационалниот турнир Кроација Опен што ќе се одржи во декември годинава, во Загреб, Хрватска.
