Со ангажирање на дел од градежната механизација за расчистување на поплавените подрачја и донации за настраданото население, Адора инженеринг помага во санирање на штетите од големото невреме во скопскиот регион. Компанијата со багер меѓу првите се вклучи и неколку дена работеше на расчистување на каналите во општина Илинден, подели повеќе пакети со гумени чизми и памперс пелени во настраданите подрачја и уплати парични средства за хумани цели во Фондот за солидарност на Црвениот крст. Екипа на компанијата ги посети семејствата на петмината вработени кои живеат во поплавените подрачја на Стајковци и Црешово, на кои ќе им помогне во санирање на штетите од невремето.
